Mtumiaji:Lucas559/Ugonjwa wa kidonda

Lucas559/Ugonjwa wa kidonda
Mwainisho na taarifa za nje
Kundi Maalumu	Gastroenterology
Dalili	Maumivu ya tumbo, kuhara kulikochanganyika na damu, kupungua uzito, homa, upungufu wa damu[1]
Miaka ya kawaida inapoanza	Miaka 15–30 au zaidi ya miaka 60[1]
Muda	Muda mrefu
Visababishi	Havijulikani
Njia ya kuitambua hali hii	kolonoskopia kwa kutumia biopsi ya tishu
Utambuzi tofauti	Dysentery, Ugonjwa wa Crohn, ischemic colitis
Matibabu	Kubadilisha lishe, dawa, upasuaji
Dawa	Sulfasalazine, mesalazine, steroids, immunosuppressants kama vile azathioprine, biological therapy
Idadi ya utokeaji wake	Hadi watu 5 kwa kila watu 1000 people
Vifo	47,400 pamoja na ugonjwa wa Crohn (2015)

Ugonjwa wa vidonda vya utumbo mkubwa ( UC ) ni hali ya muda mrefu ambayo husababisha kuvimba na vidonda kwenye utumbo mkubwa na rektamu . Dalili kuu za ugonjwa unaoendelea ni maumivu ya tumbo na kuhara kulikochanganyika na damu . Kupungua uzito, homa, na upungufu wa damu pia ni dalili. Mara nyingi, dalili huja polepole na zinaweza kuwa ndogo au kubwa. Dalili kwa kawaida huja na kupotea. Matatizo yanaweza kujumuisha kupanuka kwa utumbo mkubwa, kuvimba kwa jicho, viungo, au ini na saratani ya utumbo mkubwa.

Sababu ya UC haijulikani. Nadharia zinahusisha kutofanya kazi kwa mfumo wa kinga, jeni, mabadiliko ya bakteria ya kawaida ya utumbo na mambo ya mazingira. Viwango vya ugonjwa huu vinaonekana kuongezeka kwenye ulimwengu uliostawi huku wengine wakipendekeza kuwa ni matokeo ya kuathiriwa kwa kiwango cha chini na maambukizo ya utumbo, au kwa lishe na mtindo wa maisha wa Magharibi . Kuondolewa kwa kifuko katika umri mdogo kunaweza kuwa kinga. Utambuzi kwa kawaida hufanywa kupitia kolonoskopia na biopsi ya tishu . Ni aina ya ugonjwa wa uchochezi wa matumbo (IBD) pamoja na ugonjwa wa Crohn na uvimbe mdogo wa utumbo mkubwa.

Mabadiliko ya lishe, kama vile kuendelea kukula lishe yenye kalori nyingi au lishe isiyo na laktosi, yanaweza kuboresha dalili. Dawa kadhaa hutumiwa kutibu dalili na kupunguza maumivu, ikiwa ni pamoja na aminosalicylates kama vile mesalazine au sulfasalazine, steroids, immunosuppressants kama vile azathioprine na biopic therapy. Kuondolewa kwa koloni kupitia upasuaji kunaweza kuwa muhimu ikiwa ugonjwa umekithiri, haukubali matibabu, au ikiwa matatizo kama vile saratani ya koloni yanatokea. Kutolewa kwa utumbo mkubwa na rektamu kwa ujumla huponya hali hiyo.

Pamoja na ugonjwa wa Crohn, takriban watu milioni 11.2 waliathiriwa kufikia 2015. Kila mwaka, mtu 1 hadi 20 kwa kila watu 100,000 na watu 5 hadi 500 kwa kila watu 100,000 huathiriwa. Ugonjwa huu unaripotiwa zaidi katika Amerika ya Kaskazini na Ulaya kuliko maeneo mengine. Mara nyingi huanza kwa watu wenye umri wa miaka 15 hadi 30, au walio na zaidi ya miaka 60. Wanaume na wanawake wanaonekana kuathiriwa kwa uwiano sawa. Pia umeripotiwa zaidi tangu miaka ya 1950. Kwa pamoja, ugonjwa wa uvimbe wa utumbo mkubwa na ugonjwa wa Crohn huathiri watu wapatao milioni moja nchini Marekani. Kwa matibabu sahihi, hatari ya kifo inaonekana sawa na ile ya idadi ya watu kwa ujumla. Maelezo ya kwanza ya ugonjwa wa vidonda vya utumbo mkubwa yalitokea karibu miaka ya 1850.

Marejeleo

[[Category:Magonjwa]]